Seneta wa Nairobi Edwin Sifuna amepata ushindi baada ya Mahakama ya Migogoro ya Vyama vya Siasa (PPDT) kusimamisha majaribio ya kumwondoa ofisini.
Mahakama hiyo ilisitisha utekelezaji wa azimio lililopitishwa na Kamati Kuu ya Kitaifa ya ODM (NEC) Februari 11, 2026, ikitaka kumwondoa Sifuna kama Katibu Mkuu wa chama hicho.
Mahakama hiyo iliwazuia zaidi waliojibu mashtaka kuchapisha azimio hilo katika Gazeti rasmi, hatua muhimu ambayo ingehalalisha na kufanikisha kuondolewa kwake.
Agizo hilo litatekelezwa hadi pale ombi lililowasilishwa litakaposikilizwa na kuamuliwa.
