Chama cha Wasafirishaji nchini (KTA) kimetangaza kwamba bei ya nauli itaongezeka kufuatia ongezeko la bei ya mafuta. Kulingana na ukaguzi wa hivi punde wa Mamlaka ya Udhibiti wa Nishati na Petroli (EPRA), Super Petrol na Dizeli imepanda kwa Ksh.28.69 na Ksh.40.30 kwa lita mtawalia, huku bei ya Mafuta ya Taa ikiwa haijabadilika.
Katika taarifa siku ya Jumatano, KTA ilisema kwamba ongezeko kubwa la bei ya dizeli, ambayo inauzwa kwa Ksh.203 kwa lita, litaathiri gharama ya uendeshaji wa usafiri.
Kwa hivyo, wanachama wa Chama wameshauriwa kupitia miundo yao ya gharama na kurekebisha viwango vya usafiri ipasavyo, na kuwashirikisha wateja wao na washirika wa mikataba haraka.
EPRA ilisema marekebisho hayo yanaonyesha kupanda kwa bei za bidhaa za mafuta ya petroli kimataifa, pamoja na kushuka kwa viwango vya ubadilishaji na utumiaji wa kodi za kisheria chini ya mfumo wa Ushuru wa Ongezeko la Thamani (VAT).
