BY SAIAYA BURUGU 25TH AUG 2023-Washukiwa wawili wa wizi wa kimabavu wanaoaminika kuwa na uhusiano na genge kuu la wahalifu linaloripotiwa kumwibia ajuza wa miaka 76 huko Serem kaunti ya Vihiga mwezi jana kabla ya kumbaka ajuza huyo na kisha kumuua wamekamatwa.
Patrick Misiko,mwenye umri wa miaka 36, na Christine Jerono, mwenye umri wa miaka 46, walikamatwa na maafisa wa polisi katika eneo la majengo Vihiga baada ya kupatikana na simu ya mkononi iliyoibiwa kutoka kwa marehemu wakati wa kisa hicho.
Marehemu alikimbizwa katika hospitali ya rufaa ya Mbale na majirani waliosikia mayowe na furugu lakini kwa bahati mbaya akafariki kutokana na majeraha aliyoyapata alipokuwa akipokea matibabu.Maafisa wa polisi kwa sasa wanawasaka wanachama wa genge hilo waliosalia ambao hadi hivi sasa wangali mafichoni.
