Msajili Mkuu mpya wa Idara ya Mahakama Winfridah Boyani Mokaya ameapishwa hii leo na kutwaa wadhifa wake rasmi katika hafla iliyoandaliwa kwenye majengo ya mahakama ya upeo jijini Nairobi mchana wa leo. Hafla ya kuapishwa kwake ilihudhuriwa na maafisa mbalimbali wa mahakama akiwemo jaji mkuu Martha Koome.
Bi. Mokaya ameahidi kuunga mkono uongozi wa idara ya mahakama na wafanyakazi wake ili kuwawezesha kutekeleza majukumu yao ipasavyo. Bi. Mokaya, ambaye amehudumu kama msajili wa Tume ya Huduma za Mahakama (JSC) na hakimu kwa zaidi ya muongo mmoja alisema uzoefu wake unampa fursa ya kutekeleza majukumu yake kwa uweledi.
STANDING ON THE SHOULDERS OF GIANTS: Incoming Chief Registrar of the Judiciary Hon Winfridah Mokaya enjoys a spruce up ahead of her swearing-in by beacons of Judiciary Transformation, the Hon Chief Justice Martha Koome and former CRJ Hon Anne Amadi. pic.twitter.com/K8m2S3ZvTv
— The Judiciary Kenya (@Kenyajudiciary) March 25, 2024
Msajili mpya wa mahakama amechukua nafasi hii kutoka kwa Bi. Anne Amadi, ambaye alistaafu mwezi Januari 2024 baada ya kukamilisha muda wake wa kuhudumu wa mihula miwili.
